I mbijetuari i tragjedisë në Mesdhe rrëfen tmerrin: Shumica as nuk e kanë kuptuar se çfarë ka ndodhur!

loading...

i-mbijetuari-i-tragjedis-euml-n-euml-mesdhe-rr-euml-fen-tmerrin-shumica-as-nuk-e-kan-euml-kuptuar-se-ccedil-far-euml-ka-ndodhur_hd
loading...

“Në bord ishim 950 persona. Kishte 50 fëmijë dhe 200 femra”. Kjo është deklarata që ka dhënë në Prokurorinë e Katanias një i mbijetuar i mbytjes së peshkarexhës që çoi në vdekjen e rreth 700 personave.

Burri nga Bangladeshi ka shtuar se shumë nga klandestinët ishin mbyllur në nivelet e poshtme të mjetit lundrues dhe nuk lejoheshin të dilnin nga trafikantët.

“U nisëm nga një port rreth 50 kilometra nga Tripoli (Libi). Ata që paguajnë më pak mbyllen poshtë dhe kanë shumë pak hapësirë në dispozicion”, thotë një nga 28 të mbijetuarit.

Ndërkohë, kapiteni i anijes tregtare portugeze që arriti të shpëtonte një numër fare të vogël personash në krahasim me atë që ishin në bordin e peshkarexhës, tregon: “Po shkonim drejt tyre, por në momentin që na panë, nisën të lëviznin shumë dhe mjeti u përmbys”.

Në ato momente, gjithçka merr fund. Ai që ka mundur, është kapur diku. Por, shumica as nuk e kanë kuptuar se çfarë ka ndodhur.

Kush ishte i mbyllur në nivelet e poshtme të peshkarexhës, vetëm ka dëgjuar zhurmën e dërrasës që thyhet dhe ka parë ujin që hyn ngado.

loading...